Daily Text: Thursday, February 5
Kapag ang isa ay sumasagot sa isang bagay bago niya marinig iyon, kamangmangan ito sa kaniya at kahihiyan.- Kaw. 18:13
Mas mabuti kung hindi agad-agad nagbibigay ng opinyon ang mga magulang. Siyempre pa, hindi laging madaling manahimik kapag may sinasabing nakababahala ang inyong mga anak. Pero mahalagang makinig na mabuti bago magsalita. Kung mananalitili kang kalmado at makikinig, mas magkukuwento ang iyong mga anak. Kailangan mo munang malaman ang buong pangyayari bago ka nakapagpayo. Baka sa likod ng "padalus-dalos" na pananalita ng iyong anak ay may pusong balisa. ( Job. 6:1-3 ) Bilang maibiging nga magulang, makinig para maunawaan ang mga anak ninyo at magsalita para matulungan sila. Mga anak, kailangan din ninyong maging "mabagal sa pagsasalita." Tandaan, ang inyong mga magulang ay may bigay-Diyos na pananagutang sanayin kayo, kaya huwag agad-agad kontrahin ang sinasabi nila. ( Sant. 1:19; Kaw. 22:6 ) Malamang na pinagdaanan na nila ang nararanasan ninyo ngayon. Kung gayon, ituring ninyo ang inyong magulang bilang kaibigan, hindi kaaway. Ayaw nilang masaktan; gusto nila kayong tulungan.- Kaw. 1:15