Kilala ang coconut tree bilang “Tree of Life”. Tinawag itong “Tree of Life” dahil sa walang katapusang produkto na maaaring makuha mula sa iba`t ibang bahagi ng puno ng niyog. Isa na nga dito ang Virgin Coconut Oil na ngayon ay kilalang-kilala sa Japan. Naniniwala hindi lang ang mga Pilipino kundi pati na rin ang mga Hapon na ang virgin coconut oil ay maganda para sa kalusugan at sa katawan upang maiwasan ang madaling pagtanda at pagtaba ng katawan.
Kabilang ang ibang Hollywood celebrities gaya nina Jennifer Aniston, Angelina Jolie-Pitt, Gwyneth Paltrow at Miranda Kerr na gumagamit at naniniwala sa bisa ng VCO sa kalusugan. Ginagamit ng mga nabanggit na celebrities ang VCO hindi lang bilang pagkain kundi bilang anti-aging na rin.
Mahirap ang proseso bago makuha ang virgin coconut oil mula sa niyog sapagkat sadyang mahirap din ang proseso ng “oxidation” o ang paghihiwalay ng fatty acids mula sa mismong sabaw ng niyog at ang pagtanggal ng active oxygen dito. Ang coconut oil ay naglalaman ng tinatawag na “medium chain fatty acid”. Ang medium chain fatty acid o medium chain triglyceride (MCT) ay nakatutulong sa calorie burning ng katawan, weight loss at mabisang anti-aging . Ang pagkain o pag-inom ng virgin coconut oil ay makatutulong bilang antioxidant upang maiwasan ang panganib na madudulot ng kanser. Ang antioxidant ay isang sangkap na nagbabawas sa mga pinsala na maaaring maidulot ng oxygen, kalimitan hinahalo ang antioxidant sa mga pagkain upang maantala ang mabilis na pagkasira ng pagkain.
Ayon din sa mga makabagong pag-aaral, dahil sa MCT na tagalay ng VCO, mabisang pampabuti ito sa sakit na dementia, maiging makapigil sa sakit na Alzheimer at magandang gamot sa sakit sa balat gaya ng skin asthma at atopic dermatitis o atopy. Ang virgin coconut oil ay may taglay na lauric acid rin. Ang lauric acid ay may kakayahan na protektahan ang immune system ng katawan kung kaya’t dahil sa taglay na lauric acid ng VCO ay tunay na napakabisa nito upang makatulong sa pagpigil ng pagkalat ng anumang impeksyon sa katawan gaya ng influenza, herpes, Chlamydia (sexually transmitted disease), Staphylycoccus aureus (bacteria na nagiging sanhi gaya ng pigsa), Candida bacteria (yeast infection), Propionibacterium acne bacteria (acne) at marami pang iba. Mabisa din itong lunas para chronic fatigue syndrome.
Ang VCO ay maaaring mumuguin ng 15 minuto araw-araw sapagkat epektibo din itong gamitin upang maiwasan ang cavity, periodontal disease, gingivitis, buccal disease o sakit balat ng pisngi na nasa loob ng bibig gaya ng singaw at epektibo din ito para sa paggaling ng migraine, allergies, diabetes, heart vascular disease, sakit sa atay at maraming pang iba. Bukod pa dito, ang VCO ay may taglay din na natural Vitamin E. Dahil sa Vitamin E, ang VCO ay mainam na gamitin sa balat. Isa itong anti-aging oil na magandang ipahid sa balat ng katawan bilang lotion, sa anit at buhok upang kumapal at kumintab ang buhok at sa mukha upang maiwasan dry skin at wrinkles.
TAMANG PAGKAIN O PAG-INOM NG VCO
Uminom ng 2 kutsara ng VCO bawat araw, hindi makabubuti na higit pa dito kada araw ang pagkain o pag-inom ng VCO dahil nagiging calorie na ang VCO kung mahigit pa sa 2 kutsara ang iinumin. Sa pagkakataong hindi kayang inumin ang purong VCO lamang, maaari itong ihalo sa kape, juice, yoghurt o bilang salad dressing. Maaari rin itong gawing cooking oil.